ЯҢАЛЫКЛАР
М.М.Вахитов исемендәге Буа гимназиясендә «Мәктәптә һәм югары уку йортында экологик-туган якны өйрәнү эшчәнлеген оештыру» V Халыкара фәнни-гамәли конференциясе узды. Чарада Татарстан Республикасы Экология һәм табигать ресурслары министрлыгының Идел аръягы территориаль идарәсе башлыгы Марат Фәтрахманов та катнашты.
Традиция буенча, кыш җитү белән, технология дәресләрендә яки өйдә ата-аналар ярдәме белән мәктәп укучылары һәм мәктәпкәчә яшьтәге балалар кошлар өчен җимлек ясыйлар. Кайбыч районының «Экология, мәдәният, үсеш» мәктәптән тыш эш үзәгендә тәрбияләнүчеләр дә үзәкнең канатлы дуслары турында кайгыртканнар һәм аларга Татарстан Экология министрлыгының Идел аръягы территориаль идарәсе инспекторлары ярдәм итте.
ТР Экология һәм табигать ресурслары министрлыгының Идел-Кама территориаль идарәсе экологлары Чистайның 1нче «Веселая карусель» балалар бакчасында тәрбияләнүчеләр белән танышу өчен эко-әңгәмә үткәрделәр.
Экология министрлыгының Идел аръягы территориаль идарәсе инспекторлары Буа балаларына пластикның нәрсә икәнен һәм аның тулысынча таркалуы һәм зыянсыз булуы өчен ничә ел кирәк булуы турында сөйләделәр.
ТР Экология министрлыгының Идел буе территориаль идарәсе инспекторлары Чүпрәле районының Иске Чүрәле мәктәбендә экодәрес үткәрде. Инспекторлар укучыларга урманда үзеңне ничек тотарга һәм табигатькә ярдәм итү өчен нәрсә эшләргә кирәклеген аңлаттылар.
Өлкәннәр декадасы кысаларында Идел аръягы территориаль идарәсе белгечләре традицион рәвештә ведомство ветераннарына килеп, күпьеллык хезмәте, тәҗрибәсе һәм профессиональлеге өчен Министрлык хезмәткәрләреннән рәхмәт сүзләрен җиткерделәр. Күп кенә ветераннарыбыз яшь экологлар өчен чын үрнәк булды, өйрәттеләр һәм остазлар сыйфатында белемнәрен тапшырдылар.
Бүген барлык мәктәпкәчә белем бирү хезмәткәрләре һөнәри бәйрәмнәрен билгеләп үтә. Безнең инспекторлар инде күптән үсеп килүче буынны тәрбияләү эшендә экологик ярдәмчеләр булдылар, менә инде күп еллар Министрлык мәктәпләрдә һәм балалар бакчаларында экологик дәресләр үткәрә. Бүген ТР Экология министрлыгының Идел аръягы территориаль идарәсе инспекторлары Буаның «АБВГДЕЙКа» балалар бакчасы балалары белән очрашкан.
ТР Экология һәм табигать ресурслары министрлыгының Идел аръягы территориаль идарәсе башлыгы вазыйфаларын башкаручы Лилия Казакова Түбән Чәкенең «Солнышко» балалар бакчасында тәрбияләнүче балалар өчен экологик экскурсия үткәрде.
Татарстанның 6 районыннан 300дән артык укучы Апас районында Сабантуй уза торган майдан территориясен чистартты. Җыештыруда республиканың Апас, Буа, Чүпрәле, Кайбыч, Кама Тамагы һәм Тәтеш районнары балалары катнашты.
ТР Экология министрлыгының Төньяк территориаль идарәсе башлыгы Ленар Касыймов Әтнә, Арча, Балтач һәм Теләче районнарында күчмә киңәшмәләр үткәрде. Киңәшмәләр район башкарма комитетлары вәкилләре катнашында узды. Очрашуда табигатьне саклау законнарының мәҗбүри таләпләрен үтәү, әйләнә-тирә мохиткә тискәре йогынты ясаучы объектларны исәпкә кую, уңайсыз метеорологик шартларда чаралар планнарын килештерү мәсьәләләре турында фикер алыштылар. Балтач һәм Әтнә районнары вәкилләре җирләрне консервацияләүнең нинди шартларда узуы белән кызыксындылар.