Экологлар һәм урманчылар «Татарстанның чиста урманнары» акциясендә берләште

Урман хуҗалыгы министрлыгы оештырган “Татарстанның чиста урманнары” тради­цион табигать саклау акциясе булып узды. Татарстан Экология һәм табигый байлыклар министрлыгы хезмәткәрләре Биектау районы Шәһәр яны урманчылыгының “Зәңгәр күл­ләр” урман фонды территориясен җыештырды.

“Бу кишәрлекне без инде берничә ел көздән язга кадәр җыештырабыз. Төрле акция­ләргә студентларны, иреклеләрне, җәмәгать оешмаларын, мәктәп балаларын җәлеп итәбез, – ләкин яңадан килгән саен бер үк хәл күзәтелә, – дип белдерде Экология министрлы­гы­ның экологик белем бирү һәм җәмәгать оешмалары белән бәйләнешләр бүлеге башлыгы Дамир Вәлиуллин. – Урманнарны җыештыру көне – бик яхшы чара,  тик аңа бүгенге өмәдәге хәтле генә халык катнашу аз тоела. Минемчә, бу эш белән һәр кеше көн саен шөгыльләнергә тиеш.”

Министрлыкның матбугат хезмәте