Буаның «Ромашка» балалар бакчасында тәрбияләнүчеләр батарейкаларның әйләнә-тирәлеккә йогынтысын өйрәнгән

2020 елның 8 октябре, пәнҗешәмбе

Кечкенә батарейканың зур бәлагә китерүенә ничек юл куймаска? Татарстан Республикасы Экология һәм табигать ресурслары министрлыгының Идел аръягы территориаль идарәсе белгечләре Буа шәһәренең «Ромашка» балалар бакчасында тәрбияләнүче нәниләр белән танып-белүле экология дәресен үткәргән.

Балалар батарейкаларны чүп чиләгенә ташларга ярамаганлыгын белгән. Аларга көнкүреш чүп-чарына эләккәч, файдаланылган ток чыганакларының хәтәр булуы һәм ни өчен махсус утильләштерүгә мохтаҗ булуы турында аңлатылган.

Мәктәпкәчә яшьтәге балалар, ата-аналар һәм балалар бакчасы коллективы көче белән җыелган батарейкалар, киләчәктә утильләштерү өчен, экологларга тапшырылган. Эшкәртелгән туклану элементларының гомуми авырлыгы 25 кг тәшкил иткән.