Комны законсыз казучылар урында тотылды
2013 м3 гомумтаралган файдалы казылма законсыз табылган. Татарстанның Питрәч районы территориясендә карьерда лицензиясез эшләү факты ачыкланды. Рейд барышында Көек авылы янәшәсендә Дәүләт экологик күзәтчелек инспекторлары махсус техниканы – йөк автомобилен һәм экскаваторны теркәде, алар легаль булмаган рәвештә ком ала иде. Ачыкланган белешмәләр буенча, транспорт чараларының хокуклы иясе булып юридик зат – оешма торуы билгеле булды. Ком табу эшләре 1830 м3 мәйданда алып барылган, казу тирәнлеге – 1.1 м. Әлеге факт буенча юридик затка карата административ эзләтү эше кузгатылды. РФ КоАП 7.3 ст. 1 өлеше нигезендә җир асты байлыкларыннан лицензиясез файдаланган өчен предприятиегә 800 мең сумнан 1 миллион сумгача штраф яный. Экологлар китерелгән зыян күләмен исәпли.
ТР ЭТРМ матбугат хезмәте